దశ వసంతాల శ్రమ జీవుల మనో గతాలు – 4

నా సంతోషం నాదండీ!

          బజార్లు బాగుచేసే పనుల్లోకి కొత్తగా వచ్చిన శివపార్వతి నండి - మూడేళ్ల నుండి నేను గూడ ఊరికి పనికొచ్చే పనేదైనా చేయాలని ఎన్నిసార్లు అనుకొన్నానో, మాదసలు వక్కలగడ్డండి. చిల్లల వాగు వంతెన దగ్గర – అదేంటో చీకటితోనే చాల మంది చెత్తా చెదారాలు ఊడిచి, ఏరి, బాగుచేస్తుంటే నాలుగు సార్లు చూశాను శార్!

          అంతమంది పెద్ద పెద్దోళ్ళు చీపుళ్ళు పట్టుకొని, కొడవళ్లు వాడుతూ చల్లపల్లి కోసం పనులు చేస్తుంటే - నాకూ వాళ్లలో కలిసి ఏదొక పని ఎందుకు చేయకూడదనిపించింది శార్!

          ఇక అప్పుడు బయ్యం కూడ పట్టుకొన్నది – “అమ్మో! అంత పెద్ద డాక్టర్లూ డాక్టరమ్మలు, మాస్టర్లూ మధ్యన ఐదో తరగతి చదవిన నేనెట్లా పనులు చేసేది?” అని!

          చల్లపల్లి పడమటి వీధిలో స్త్రీల వస్తువులమ్మే షాపు నడపడమూ, ఇంటి పనులూ కాదు నన్ను మూడేళ్లు ఆపింది – అంత పెద్దోళ్లు  నన్ను ఏమనుకొంటారో అనే బెరుకే అడ్డం పడింది శార్!

          చివరికెట్టాగైతేనేం –సెప్టెంబరు 18 న ధైర్ణం   చేశాను. అసలు మొదటి రోజే కార్యకర్తలందరూ ఎంత ఇదిగా మాట్లాడారో – ప్రోత్సహించారో దాంతో నా బెంగంతా తీరిపోయింనుకోండి!

          ఆసల్నాకు తెలీకడగుతాను – ఇంత పెద్దూళ్ళో ఈ 40-50 మందే నాండి – ఇంకా చాల మంది ఈ పనుల్లోకి

వచ్చి – ఈళ్ళ లాగే ఊరి మంచికి గంట సేపు పాటుబడకూడదాండి? అంత మాత్రానా మన కాండలన్నీ కరిగిపోతాయాండి?  

          నేను కూడ 26 రోజుల్నుండి స్వచ్ఛ కార్యకర్తగా గుర్తింపు తెచ్చుకోవడం తలుచుకొంటేనే - పట్టలేని సంతోషం శార్!

          నాకు ఇప్పుడు 2 అదృష్టాలండి - నేను కూడ పెద్ద పెద్దోళ్లతో కలిసి, ఊరి కోసం పనిచేయగల్గడమొకటీ,

సదువూ - సందేలేకపోయినా ఎంతో కొంత చల్లపల్లికి పనికొస్తున్నాననేది రెండోదీ!

          అసలు ఈపున్నెమంతా - ఈ అదృస్టమంతా విజయ్ శార్ దండి. నా బయ్యాలు పోగొట్టి, నన్ను దీంట్లోకి లాక్కొచ్చింది ఆశారేగదండి!

          ఇంకోటి గూడా ఉందండి – నేను రాస్తే ఎన్ని తప్పులొస్తాయో అని, చెప్పి రామారావు శార్ తో రాయించాను –తప్పులుంటే ఏమనుకోవద్దండి!

     ఇట్లు,

కాకి శివపార్వతి

క్రొత్త కార్యకర్త

13.10.2024.