(కృష్ణశాస్త్రి శైలిలో ఐతే) – 1

స్వచ్ఛ సుందరోద్యమం ఒక అమృతగీతం

ఔను- కవిత్వం నాప్రాణం నిరంతరం పలికే రాగం

కాని- జీవితం నా అంతరాత్మ ప్రకాశం

చల్లపల్లి వీధుల్లో- గ్రామస్తుల గుండెల్లో

గుబాళిస్తున్న నూతన యుగ మందార సుమ సుగంధం!

విసిగిపోయాను ప్రచార కంఠాల కాలంచెల్లిన రాగాలతో

పదవుల సంకెళ్లలో బందీతౌతున్న బ్రతుకులతో

స్వార్థపు సంకెళ్లు బిగిసిన ఆత్మలతో!

ఇవా మానవత్వం పయనించవలసిన దారులు ?

ఇప్పుడు కావలసినవి జనం పట్ల ప్రేమనిండిన రహదారులు!

ఈ ప్రతి స్వచ్ఛసైనికుని చేతి చీపురే

స్వార్ధం బలిసిన ఈనాటి అజ్ఞానాంధకార వినాశిని!

మాసిన - దుమ్ము నిండిన బట్టల్లో అతడే

నూతన యుగ తెలి వెన్నెల కిరణం!

ప్రతితొలి సంధ్యాపూర్వం పడే అతని అడుగులతో

ఈ చల్లపల్లి ఒక నవ వికసిత పుష్పోద్యానం!

(సశేషం)